【嘉欣BB有BB?】港媒瘋傳未婚先孕! 乖乖女請假飛奔加拿大嫁圈外男友….

咩話？TVB女神嘉欣BB驚傳未婚先孕？而且還飛到加拿大奔家圈外男友？

據東方新地報導，31歲鍾嘉欣入行多年，緋聞不多，五隻手指數得晒，乖乖女形象深入民心！不過，最近有傳嘉欣未婚先孕，更因此向TVB請假三個月，飛到加拿大秘密同圈外男友結婚！

嘉欣請假三個月，表面上到加拿大登台後休息，其實為婚禮做好準備！而嘉欣為免影響胎兒健康，表演時並冇太大動作，更不時摸吓肚仔，相中可見就算嘉欣穿鬆身白裙，亦難掩其凸肚有喜身形！

據知由於婚禮來得太突然，連嘉欣處女黨好友岑麗香及王君馨等都唔知情，近日更要紛紛急請假飛到加拿大，見證好友人生重要時刻！

其實早前有傳嘉欣同伍允龍復合，不過伍允龍太花心，除跟Super Girls嘅Aka傳緋聞，拍劇時被指狂追劉佩玥，致令嘉欣徹底死心，狠撇對方！

得悉嘉欣回復單身後，據知該加拿大籍華人即向嘉欣展開猛烈追求，日日視像電話傳情，噓寒問暖又細心，最重要用情專一，難怪成功俘虜嘉欣嘅心！

文章來源：東方新地